KASAYSAYAN NG PAGSAKOP NG MGA KASTILA
Nagsimula ito noong 1519, Si Magellan, isang Portuges, ay nagsimula ng ekspedisiyon upang hanapin ang Spice Island at siya ay lumapit sa hari ng Espanya at Binigyan siya nito ng limang barko at 264 na manlalayag. Sa halip na makarating sa nasabing pulo, napunta sila sa pulong malapit sa Samar. Nakarating sila sa pulo ng Homonhon noong ika 16 ng Marso, 1521. Sa baybayin ng Limasawa, ipinagdiwang nila ang unang misang Katoliko noong Marso 31, 1521. Pumunta sila patungong Cebu at nakipagkaibigan kay Rajah Humabon, hari ng Cebu. Ang mga pulo ay pinangalanan ni Magellan bilang Kapuluan ni San Lazaro, at inangkin ang mga lupain para sa Kaharian ng Espanya. Ngunit namatay si Magellan sa pakikipaglaban sa pangkat ni Lapu-Lapu dahil sa pagtutol niya sa pamamahala ng Espanya.
Sa mga sumunod na dekada, iba pang mga ekspedisyon ang ipinadala ng Espanya sa Pilipinas. Noong 1543, pinamunuan ni Ruy López de Villalobos ang isang ekspedisyon patungo sa mga pulo at pinangalang “Las Islas Felipinas” (mula sa pangalan ni Felipe II ng Espanya) ang mga pulo ng Samar at Leyte. Hindi nagtagal, ibinigay ang pangalang ito sa buong arkipelago. Naging pormal na Kolonya ng Espanya ang Pilipinas noong 1565 nang ideklara ni Haring Philip II si Miguel Lopez de Legazpi bilang unang Gobernador-Heneral ng kapuluan. Magkaugnay ang Simbahan at Estado noong panahon ng Kastila. Naging responsibilidad ng estado ang mga establishimentong pang-relihiyon. Isa sa mga naging layunin ng Espanya sa kolonyalisasyon ng Pilipinas ay ang pagbibinyag ng mga tribu sa Kristiyanismo. Ang pagpapalit ng relihiyon ay naganap dahil sa kawalan ng ibang maayos na relihiyon, maliban sa Islam, na malakas sa Timog. Ang mga seremonya ng simbahan ay naging kasanayan na at naging dahilan upang mapasama ang iba't ibang pista sa tradisyong Pilipino.
GOD
GLORY
GOLD
GLORY
GOLD
Ang pamamahala ng Espanya sa Pilipinas ay sandaling naputol noong 1792 nang salakayin ng mga Ingles ang Maynila na naging dahilan ng pagpasok ng Espanya sa Digmaan ng Pitong Taon. Ang Kasunduan sa Paris ng 1763 ang nagbalik sa pamumuno ng mga Kastila at umalis ang mga Ingles ang bansa noong 1764. Ang sandaling pananakop ng mga Ingles ang nagpahina sa kapangyarihan ng Espanya at nagdulot ng mga rebelyon at mga demanda para sa kalayaan. Noong magpahayag ang Estados Unidos ng digmaan laban sa Espanya noong Abril 25, 1898, nagutos si Theodore Roosevelt na noon ay gumaganap bilang pansamantalang Sekretaryo ng Hukbong-Dagat ng Estados Unidos na pumunta sa Pilipinas upang kalabanin ang hukbong-dagat ng Espanyang nasa Look ng Maynila. Natalo ng hukbong-dagat ng Estados Unidos ang hukbong-dagat ng Espanya na nasa Pilipinas noong Abril 25, 1898. Bago matapos ang 1897, nagpatuloy ang paglalaban ng Espanya at ng Estados Unidos para sa kung sino ang aangkin sa Cuba. Samantala, naganap ang negosasyon sa pagitan ni Emilio Aguinaldo at ng mga opisyal ng Estados Unidos. napasunod ni Dewey si Aguinaldo na magbalik sa Pilipinas. Noong Mayo 19, 1897, pinamunuan niya ang mga puwersa ng mga Pilipinong nanghihimagsik.